.
.
( 1 )
.
.
بعض الأحيـان النّـاس يفهمونَك غلَط! يعنِي تجِي تمزَح .. همّن تفاجأ إنّ الي حولَك ساكتين ويقولون ” خير وش هالعمل؟ ” هنـا أنَا أصير أكرَه نفسِي مرّه :(، يعنِي يمكِن أقوم من المجلِس .. ولا عاد أعتّب عليه 
-> فكّة 
المهم .. مرّة كنت مستلِم المـايك في أحد الغرف الصوتيّة, وهِي غرفَـة المعالِي الصوتيّة, وقاعدِن أسولُف لهم سالفتِي مع أختِي 
, أقول السالفة قبل بعدين أكمّل الموقف, بس علشان تحسّون بمقدار معاناتي 
:
” كانَت أختِي مسافرَة للريـاض, المهم ولا كلّمتها ولا شي أبدًا, مهي عادَة أكلّم أحـد إذا سـافَر, ما أدري عجزت .. إلاّ أمّي لازم أكلّمها وه بس يا أمّي المهم وأدخل على أهلي المغرب .. قلت ما رجعت أختي من السفَر؟ قالت أمّي لأ, ليه مشتاق لهَـا؟ قلت: لا والله بس مشتاق لجنان -> طبعًـا جنان هذي بنتهَـا, صاحبَة ثاني أجمَل لحيَة بالعالم .. 
أختي أمس جتن تقول منهي صاحبَة أجمل لحيَة بالعالم .. زعلت إن بنتها نزلت للمرتبَة الثانية 
الحمد لله ما فيه قناعة 
المهم نرجَـع لسالفتنا, قلت: يمّه وش رايك أرسل لهَـا قصيدَة أقولّهَـا تجيب لي هديّة؟ 
قالت أمّي: ما أتوقّع بس جرّب حظّك, المهم لعلّي جازَت لِي الفكرَة و نوِيت إنّي أروّق عقب المغرب -> لازم نيّة علشان يروّق خخخخخخ 
المهم وأكتب هكالقصيدَة عقب المغرب وأرسلهـا لهـا:
مسـاءُ الخيرِ يا أخـتِي — مساءُ النّورِ والطّاعَة.
لكِ اشتاقَت مرابِعنـا — لهَـا حُلمٌ, وَ .. مرتَاعَة
تأخّرتُم! .. فيلزمكم — هديّةُ, مِن رُبَـى البَـاعة ,
فلَو عطرًا, وَ لو قلمًا — ولو كبكًا, وَ لو سَـاعَة !
ولو ماسًا بِه اسمِي — يطرّزُ أرففِي .. راعَـه ,
وَ لو جئتُم فيكفينَـا — قلوبٌ جدُّ .. ملتاعَـة !
أبيعُ الوقتَ من شغفِي — لأن ألقاكمُ .. سَـاعة ,
فرُوحِي اليوم مذ رحتم — بهَـا وجدٌ, ومنصاعَة ..
المهمّ إنّي القصيدَة جازَت لأمّي, بعدين بغينَـا نتراهَن هي تجيب لي شي ولاّ لأ, بس هونَّـا بما إن أمّي من النوع المتشدّد بهالسوالف, وما تحب المراهنـات .. تخيّلوا بحياتها كلّهَـا ما لعبت قمـار !! 
-> انقلع برّا .. 
” فيعنِي لا تنصدمون تروا فيه ناس واجد ما عمرهم لعبوا قمـار .. أبدًا. 
-> الوردة علشان تصير السالفة صدز خخخخ 
هذي هِي السـالفَة الي قلتهَـا في الغرفَة الصوتيّة, ويوم خلّصت من إلقـاء القصيدَة .. وأنَـا الي أتهوّر وأقول ” هذه القصيدَة عبارة عن فتح للأمّة الإسلاميّة, ونصرٌ مبين, وَ وجودُهَـا سيشكّل أمرًا جيّدًا للساحَة وَ … ” المهم واضِح إنّي قاعـد أتفلسف, وأخربِط عليهم -كعادتي بالغرفة :( – المهم وتنقِز بحلقِي وحدَة, وتقول إنت مغرور وهالكلام ما يصدر إلاّ من مغرور ومدري وشّو! علطول ضـاق صدرِي وقفلَت معِي! أصلاً الفلسفَة هذي دقّة على مقال الشيخ عائض يوم يتكلّم عن فتوَى العبيكـان, فيعنِي كلّ الي بالغرفَـة من الشباب فاهمين سالفتِي, لكِن مشكلَة لمَّـا تسولف على واحِد ما يعرفَـك ولا يدرِي وين هي هابّه 
.. طبعًـا برّرت ليه أقول كذا, لأنّك إذا تبي تستخدم هالقصيدَة لِ ( أمّك / أبُوك / صديق / زوج ) إلاّ اثنين ما تركب عليهم القصيدَة الي هم ( الزوجة / الأخ ), بس تغيّر أختي وتحط ( أمّي / أبتِي / خلِّي / زوجِي ) وتطلَع القصيدَة مفصّلة تفصيل على الطلَب, طبعًـا حقوق النشر لكل مسلم والي يبي يستفيد من القصيدَة مسموح :) -> هذا والله الي صدّق روحه خخخخخخخخخخ
.
.
.
( 2 )
ما أحبّ الي يستغل المواقِف! وهالشي دايِم ألاحظُه .. يعنِي أبوك مثلاً يقولّك لا تسـرع, وإنت ساحبن عليه وتسرع .. وقدّر الله عليك وصدمت! فيجيك وإنت بحزّة الموقِف وضايقن صدرك ومآكلك تأنيب الضمير, ويجي يقولّك: قايلّك لا تسرع, هذا الي ما يطيع كلامي! ومن هالكلام الي يضيق الصدر .. طبعًـا المثال تخيّلي علشان تتّضح السالفة, يعنِي عندِي قاعدَة .. الواحِد إذَا حسّيت إنّه عرف الشي الي تبي توصله له خلاص لا تعيدُه عليه, لأنّه زي ما أشوف بنفسِي يعطِي ردّة فعل عكسيّة وحنَّـا ما نحِس .. المهم ما لكم بالطويلَة, هذِي مرّة كنَّـا راجعين من الاستراحَة ومعِي أهلِي كلّهم .. أمّي وخواتي والبزران -> طبعًـا يزعلون إذا قلت بزران بس اسحب عليهم قبل يوم من هالسالفة كان عيد الدوسري بقناة المجد, ينشد ” سيكب سيكبا .. ” وَ وليد أبو صالح يعزّز له ويقول ” ياهوه ” أنَـا قعدت أنشِدهَـا بالسيـارة, وإذا قلت ” سيكب سيكبا ” مدّيت يدِي لأمّي علشان تقول ” ياهوه ” مسكَت مع أمّي عنـاد وأنَـا برضو مسكَت معِي عنَـاد إلاّ تقولهَـا .. 
المهم وأقعد أردّدهَـا .. وأسوّي بصوتِي كنّي أصيح ومدري شلون وحالَه, وأمّي ماسكَة نفسهَـا تعانِد, فكّرت فكّرت شلون أجبر أمّي تقولهَـا شلون شلون؟ وأنَـا والله الي ألقـاها, وألتفت على أخوانِي .. قلت قولوا لأمّي تقولهَـا وأشرِي لكم من باسكن روبنز الحين .. خخخخخخخخخخخخ كانَت خطّة مثمرَة بقوّة, المهم وهِي التي تمسّك برأيهَـا أمّي :( قالت ولا طرَت أقولهَـا بكيفهم مهو لازم تشري لهم, قلت بيني وبين نفسِي ” أفأ يا محمّد .. تخسر العنـاد؟ فكّر بحَل ” وأفكّر .. وألتفت على أخوانِي وأقول ” إن ما قالتها أمّي قبل ناصل قصر السلام ماني شاري لكم ” وهم الي ينشبون لهَـا .. وهي لهالحين متمسكَة برأيهَـا خخخخخخخ .. قلت ما لك إلاّ تسرع, وأدعس على البنزين علشان ناصل قصر السلام أسرَع, وَ أخييييييييرًا خضعت أمّي للأمر الواقِع .. وجت تقول ” ياهوه ” الهسترة بالسالفة إنّهَـا عجزت تقولهَـا من الضحك ههههههههههههههههههه وقبل ما ناصل القصر يمكن والله بأمتار قالتها خخخخخخ, وأصرخ إنّي فزت عليهَـا ونياهاهاهاهاهاه .. قالت أمّي: بس تبي تخسر فلوس الحين قلت: ميخالف بس أفوز عليك, ما عندي مشكلَة ! المهم أمّي استغلّت هالموقِف وقالت لأخوانِي: تشوفون إنّ الأمّ تضحّي بكل شي علشان عيالهَـا, فعلطول صار فيه تتش عندي -> وش رايكم بالإنقليزي بس؟ فقلبت أمّ السالفة بسرعَـة علشان ما يصير فيه ردّة فعل عكسيّة, لأنّي أعتقد إنّ الواحِد إذا تعلّم من نفسه يرسَخ بباله أكثر من لو واحِد يحن على راسه بهالشي, عدّت الليلَة على خيـر وشريت لهم من باسكن الله لا يخسّر يوم وقفنا عند باسكن قالت أختي الصغيرة أبي عسكريم الي لونه أخضر!! سلامااااات؟ أهم شي إنّي سحبت عليهَـا وجبت لهم كلّهم توفي وصلّى الله وبـارك ..
.
.
.
× أوّل تدوينَة بالعامّي. 
لو مهِي زينَة قولوا مهي زينَة الوضع فلّة وَ وساعة صدر. -> ؟
محمّـد ( وامق , )
ما أنكر إني استمتعت بالقراءة ، لأن القصص نفسها ممتعة ونظرتك للي حصل
لكن بصراحة الفصيح أجمل :)
هههههههههههههههههههههه
أضحكَ الله سنّك يا محمّد ..
السالفة الأولى أعجبتني من ناحية إنك استفدت من موهبة الشعر إللي عندك
؟
وتميلحت عن أختك عشان الهديه خخخ ، طيب بشّرنا جات الهدية و لا ما فاد
أمّـا السالفة الثانية و الله رواااقه ما شاء الله خخخ
لكن أهم شي إنك ” انتصرت ” على أمّك وقالت ” ياهوه ” < ودّي أسمعها هالأنشوده
أما " عسكريم أخضر " ههههههههه يا ناسوا ع البنات أحلى شي في الدنيا <
* أول تدوينه بالعامي لكنها حلوه .. حلو الأسلوب الفُكاهي فيها : )
والله من التحشيش ذذ
طيب بشر عطتك هدية ولا سيفون كبر راسك ؟ ذذ
ثم إن السالفة الثانية يوم استغلت امك الموقف ليه زعلت ؟
يعني ما فهمت مبرر زعلك عليها
على فكرة بالنسبة للسالفة الاولى
بما إنك ( واثق ) من نفسك إنك ما غلطت
حاول تبرر موقفك في نفس اللحظة
وعقبها اسحب سيفوووووون كبر شوشتها
لا تشيل هم المتخلفين وانا خوك
وعلى فكرة بعد
مشتااااااق إلك
ههههههههههههههههههه
أسعد الله قلبك الأبيض ..
ولآ حرمك من وآلدتك وأخوتك والبزرآن
وعلى فكره اللي نقزت وقالت انك مغرور .. مآعندهـآ سـآلفه
وآمممم العَآمي بَصْمه مُميزه هُنآ ..
وحلو التنويع
كن كمآ أنت وأجمل
من نزلت هالتدوينة و أنا ودي أرد
،
الله يحفظها
مو ضروري أن هالكلام يعنيك حتى و أن توجه لك !
( مرة الدنيا كافية )
..
أدري أنها تمسك غلط معك
، الأخت جابت هدية بعد الأبيات ولا جت خالية ؟ 
بدايةٍ الله يسعد قلبك على هالتدوينة الصباحية الجميلة
أفتتحت صباحي على شيء يوسع الصدر و يونس ، و أم ايس كريم أخضر هذي
بالله “بوسهـا لي” ياهي شاطفة بعد معاند بقوة
-
أسمعن يا محمّد .. إذا جتك كلمة طايرة 180 درجة و غير موزونة
مثل الأخت اللي قمزت
يعني بجدّ اللي عرفته من النت أن فيه شخصيات تجيك معصبة و مدرعمه و تحط حرتها
بأقرب شخص تلقاه لأنها تعاني من ظروف خارجيه ماتعنيك لكن أنت كبش فداء ذيك اللحظة :/
فاللي أبي أقوله ياملّي ، لا واجهتك هالظروف مررها بسهالة و لاتضايقك
يعني لاتهمك ابد ابد .. و تراك حلو بالفصيح و العامي و الأعجمي و كل أبو حاجة
-
توني أدري أنك عنيد
لكن عند ماقط شفت
<< ياشين فضووولك
محمد ممتع هكذا , و وآمق مبهر بِ الفصيح
،
كن بخيير دآئما ~
أسعدك الله
كعادتك يا صاحبي صاحبُ بسمة ووفاء.
أدخلت عليّ السّـــرور بهذهِ التدوينة العفويّة.
بالنسبةِ للسالفة لا تعبأ بمن (يقمز) عليكَ هكذا ويصفُ نواياك وأفعالك .. فقط قل ما عندك ولا تلتفت لبنيّات الطريق إلا ما كان من نقدٍ هادف بأسلوب صحيح، والنصيحة هكذا فضيحة ! كما حكاهُ (الشافعيّ) في أبياتهِ المشهورة.
أما عاد السّالفة الثانية كلها كووم، وبصراحة خشيت جو مع مزحتك مع الأهل .. ذكرتني بسوالفي مع أمي – حفظ الله أمهاتنا جميعاً – طبعاً دايم أهبّل بها وأعاند ويّاها وكل هذا طبعاً حباً لها وللقرب من قلبها الحنون ولا أخالك فعلت ما فعلت إلا من أجل ذلك، وكأني أراكَ بارّا بسماحة والدتك الكريمة – حفظها الله وحفظك لها – .
أما الاستشارة في هذهِ التدوينة فسأقول : مالحبّ إلا للحبيب الأول، فصيحك نديمك .
ثمّ لم لا تردُ ع الردود ؟ ><
ايه وترى يلزمك هديّة لأنك جيت للرياض ولا شفناك <– إلا بيقلد
وشكرياتي لك يا حبيب =)
شسمه .. الصز استمتعت بالقراءة جدا ً .. مواقف حلوة مدعمه ببعض النصائح الجميلة .. صدقني عآمي أحسن وأقرب للقلب
.. فديتني أحلل مقالات
الوكاد .. انه اعجبتن وكعادتي ترن ما ارد الا علي اللي يعجبن هذا طبعي سبحان الله .. < برآ الحين
هههههههههههههههههههههههه
قبل اعلق
وش هالسؤال الشاطف
4 + 10 اجل ههههههههههههههههه
المهم
موضوع جدا اعجبن
لا عدمنا ذذ
انتبه لـ ردي بالفيس بوك طط
سمر، مرحبًا.
ردّك الأول يعني الكثير، شكرًا جزيلاً.
وسعيدٌ باستمتاعك بالقراءة. -> بالفصحى أرد لأنك ترينها أجمل.
أشكر لك صراحة رأيك، حيّيت كثيرًا.
طيفٌ أزليّ، أهلا ومرحبًا ..
إلا أكييييييييد جت، وجت من الخيارات الي عطيتها بالقصيدة ..
بس وش تتوقعون؟ :d
فيه أمل ألماس؟
مرورٌ مبهج يا طيف، حياك الله ويسعدني مرورك.
حيّيتِ كثيرًا.
* مشكلة الي يردون من الجوال لازم يحفظون اخاصارات السمايلات ولا ما ينحطّن :(
برّوعي .. برعرع .. رعرعتُ قلبي في محبّة خاطرِكْ .. -> امسكه لا شسمه
التحشيش عند شاربك طال عمرك، ولا عمرك شفت أحد عيونه كبار؟ -> يبي يقهرك؟
ايه جابت لي هديّة طال عمرك، بس وش تتوقع؟
بالنسبة لتوضيح وجهة النظر وضحتها بنفس الوقت، بس تخبر الي يجدع كلمة ويسحب عليك ولا يحسّب لكلامه؟
ايييييي ربّك يعين
منوّر المدونة يا بعدي
أشباح، مرحبًا ..
وأسعدَ الله روحك وأيامك يا طيّبة.
اللهم آمين، ويخليك لعينٍ ترجيك.
ممم، الحمد لله إني أول مرة أكتب عامي، علشان حتى لو مهو زين يصير زين لأنه تجديد
* افتقدنا مرورك في التدوينة السابقة.
حياك الله كثيرًا يا أشباح.
أسعد الله قلبكــ..
هههه ايوالله انكـ خطير<تدري ليه؟
<<أمزح
أول شئ خليت الاخت الكريمة تجيب لكـ هدية..
وثاني شئ خليت امي تقول ياهوه مع انه كانت معندة بس عرفت الطريقة اللي تطلعه منه..
وطعم هكالــ آيسكريم خياااااال خصوصا انه منكـ <ايه ماهولله هالحتسي عشان ترجع وتشري لنا الليلة خخخخ
عالعموم تدوينة حلوة..
دمتـ لنا
أجل ماتكتب قصايد إلا إذا صار وراها هدايا وحركات
كلام أمك صحيح أن الأم دائما تضحي بكل شي لعيالها ،
ترى أمي ماتقوله دايم أبد !
رعاك الله
هذي اللي قالت عنك مغرور , تلقاها متحمسه تحسبك بتقول قصيدة أطلق من نزار , مادرت عنك أنك راعي تحشيش
بس أنت صادق , أحيان تمزح و الناس يستغربون .. كأنهم يقولون
أماعاد أنت تمزح
<
و … مبارك عليك الشهر
أوّل شي مبروك الهديّة، وأتوقع إنها ساعة p:
وننتظر حقّنا من الآيسكريم :$
* حلو التغيير :]
بس مب دايم
يا حبّي لسوالفك
ياهووو ياهوووو .. ياهووو .. أبي اسكريييييييييم :
..
هلا والله حبيب البي حموودي ..
والله القصيدة فله .. لعلي استغلها هع ..
انتظرهم يسافرون .. واجلس انا بلحالي علشان ارسل القصيده لهم
أما عامي وإلا صدقي < ذذ
اللي هو بس فلها أنت
محمد
عامي ولا فصحى ، اهم شيء انك مرتاح
..
اوافقك مليون بالميه على النقطه الثانيه ..
اصلاً من يوم يصير الموقف تحس تقعد تكلم نفسك وتترجى “يارب يارب ماتقول تستاهلين معلمتس بس محد يسمع كلامي!” هههههههه
طيب وش صار جابت هدية ولا ؟
ذكرتي بأحد بالعاميّة , بس ماشاء الله كان أسلوبك جداً ممتع
أما بالفصحى يميل للرسمية بس مليان ” بذاخة ”
هههههه ^^
تدوينة لطيفة
ههههههههآآي .!
والله سواليف ششئ
آبدعت <
سواليف بطلله
شكراً وامق < دائما اتابعك ب صمت
القصيده جداً رائعه ~
اهم شئ بشرنا اختك جابت لك الهديه
أبّي أسوي مثل مدونتك عآجبتني ممكن تعلميني وشلون !
أو ترسلين لي روآبط أتعلم منهآ
ب أكون ممتنه لك
Trackback Link…
[...]Here are some of the sites we recommend for our visitors[...]…